Heimagisting Bjarna og Bryndísar

Vandel bed & breakfast - heimagisting hjá Íslendingum í dönsku sveitasælunni

Síðan 1997 höfum við boðið heimagistingu í sveitasælunni 5 km frá Legolandi sem allir þekkja og nýja vatnagarðinum Lalandia Billund sem er einn flottasti innandyra leikja og vatnagarður í norður Evropu, þar er líka keylusalur, minígolf, teygju-trambolin, skautasvell, sleðabrekka, klifurveggur spilakassar og fjöldi veitingastaða, allt innandyra. Frá okkur eru 8 km á Billundflugvöll og rúmir 20 km í safarídýragarðinn Löveparken ( Givskud Zoo ).

“Nýtt í Billund” LEGO® House og Teddy Bear Art Museum, sjá nánar inni á síðunni “Athyglisverðir Staðir”

Herbergin eru rúmgóð, öll með sjónvarpi og þráðlausu interneti og það er pláss fyrir allt að 6 gesti í sumum þeirra. Það eru sameiginlegar snyrtingar, fullbúið gestaeldhús og rúmgóð borðstofa. Aðgangur er að þvottavélum . Utandyra er gott pláss með leiktækjum, borðum og stólum og kolagrilli. Geiturnar og hænurnar gera alltaf lukku hjá bæði börnum og fullorðnum. Við búum ca 300 metra frá þjóðveginum svo engin hætta er fyrir börnin. Góðar gönguleiðir.

Hjá okkur gista margir aftur og aftur, frá einni nóttu til tveggja vikna og sérstakt tilboð er ef gist er samfleitt í 7 nætur, þá er aðeins greitt fyrir 6 nætur. Uppbúin rúm og morgunverður er innifalið í verðinu. Flestir gestir okkar taka bílaleigubíl en það er alveg hægt að komast til og frá okkur með strætó, hann stoppar þar sem þú óskar en þú þarft samt að ganga ca 300 metra frá aðalveginum og heim til okkar. Við komu eða brottför er ekkert mál að keyra farangurinn á stoppustöðina, hafðu bara samband. Strætóinn gengur á ca. eins til tveggjatíma fresti.

Á þessari síðu eru ýmsar gagnlegar upplýsingar um okkur og næsta nágrenni sem gott væri að lesa ef þú hyggur á ferðalag hingað og að sjálfsögðu til að fá þig til að gista lengur hjá okkur.